يا قلبي اللي على الدله

يا قلبي اللي على الدله

يا قلبي اللي علـى الدلّـه = يشفق على شربها بالحيـل

لا زلّهـا حـافـظ الـزلّـه = تريح ضميري لها تفضيـل

النفس مـا صابهـا ملّـه = جاء بنّها واختلـط بالهيـل

حتى غـدت تقـل منهلّـه = وسميةٍ فـي ثراهـا سيـل

تسقي هل الخيـر والتلّـه = خضارهـا كنّـه بتفصيـل

سبحان رب السمـاء اللّـه = اللي وقانـا دروب الميـل

يا راكب اللـي تقـل فلّـه = لا سندت ما تهـاب الشيـل

ركّابهـا رجـال مستـلّـه = قلوبها فـي ظـلام الليـل

كل ما لفوا دار فـي طلّـه = قدم قراهـم رجـال الخيـل

ما بيـن هرجـه ومشتلّـه = ما جابها راعـي التمثيـل

اللي نسـى يجلـب الغلّـه = سوالفه مـا لهـا تفصيـل

يا (عيد) حالي قضى كلّـه = غاب القمر والرقيب سهيـل

القلـب لـه عيـن مبتلّـه = حظه عشق نومة التعسيـل

يا ما حفظتـه عـن الذلّـه = على الوفاء بموقف التصميل

وأشوفه اليـوم لـه جلّـه = ذكرني اللي مضـى وقبيـل

قال الهوى حط بـي خلّـه = ذوقنـي المـرّ والتنكـيـل

حتى الزمـن علنـي علّـه = ما طاعني وأنتهى التحصيل

الزين حـل الوصـل حلّـه = وأنا موثـق حبالـه حيـل

ريمـيـةٍ كنّـهـا المـلّـه = ما ملّ أنا منّهـا لـو قيـل

راحـت ولا بعينهـا هلّـه = ما تحفظ الوعد دوم تميـل

صالح محسن الجهني

ديوان بين السحابة والسراب